Kanka alli sintirichunka imakunallatak rurana kashtami rikuchishun.
Kaypi tiyashka yuyaykunaka tukuy laya runakunapakmi kan. Ashtawanpash kay yuyaykunatapash Pfizer nishka hampinkapak departamentomi alli rikushpa killkashkakuna. Kaypi tiyak yuyaykunaka yachankapakllami kan. Kayta yachashka jawaka, hampikkunapakman rinallami kanki.
Ñukanchik aychapash yuyaypash alli kachunka muyurinakunatami rurana kanchik. Muyurinakunata mana rurashpaka tawka unkuykunawan, diabeteswan, shunku unkuykunawanpashmi tukushun. Chaymanta llamkakushpapash muyurinami kanchik. Chaypakka llamkapika wakinpika samari ushanki, shinallatak tiyarishka kakpika shayari ushanki, mana kashpaka shuktak laya muyurinakunatami rurana kanki. Shina rurashpaka ashtawan alli llamkakrinki, ashtawanpash unkuykunatapash mana hapikrinki.
Ashtawanpash llamkakukpi, o imata rurakukpika yuyaypi alli kankapak rikuriyana kan, shina rurashpaka ashtawan alli kawsashun. Yuyaypi mana alli kakpika llamkakkunaka mana alli llamkankakunachu, llamkanaman mana rinkakunachu, estrés nishka unkuytapash hapinkakunami. Chashna ama tukuchunka 15 minutokunata samarina kan, shinallatak muyurinakunatami rurana kan.
Tukuy aychapash, samaypash, yuyaypash alli kachunka yoga nishkata ruray ushan. Wakinkunaka shuk shuk laya muyurishpa, samayta alli aisashpami yogata rurankuna. Chayta rurashpaka ashtawan allimi sintirinkuna.
Yogaka ñukanchik aycha ashtawan alli kachun, imata rurakushkata ashtawan alli rurachun, alli puñuchunpashmi yanapan. Shina rurashpaka tukuy punllapimi alli pankalla sintichin.
Kay laya muyurinakunata rurana ministishkami kan. Ecuador mama llaktapimi 3.4 millon wawakunapash malltakunapashmi muyurinakunataka mana rurankunachu. Ashtawanpash Ministerio de Salud Pública del Ecuador nishka cada punlla 30 minutos hawalla muyurinakunata rurachunmi nin. Ashtawanpash semanapi 2 o 3 kutinkama sinchi muyurinata rurachunmi nin. Shina rurashpaka mana unkushpa, allimi kawsankakuna nin. Ashtawanpash muyurinakunata ruashkamantami mana wira tukun, shinami shunku unkuykunata, diabetes, tullu unkuykunata, colonpak cancerta, shuktak unkuykunatapash mana ñapash hapinkakuna nin.
Kunanka kikin maykan muyurinakunata ruray ushashkata kaypimi willapanchik. Chaykunataka asha ashami ruray ushanpaki, ashtawanpash punllatin rurankapak rikuriyana kanki.
Samarina horas chayakpi:
• Makiwan umata hapi, chay kipa umata lluki o alli ladoman apay. Chaytaka rinriwan waman rikrata tocak shina apay. 15 segundostami chaypi shuyana kanki. Chay kipa shuktak makiwan shuktak ladoman igual ruray.
• Kunkata mana chukchushpami hawaman, alli ladoma, lluki ladoman, uraymanpash rikuy, cada kutin 10 segundokamanmi rikuna kan. Ñawikunata wichkashpami ALLI yuyaykunata yuyanki.
• Wawaman rikrakunaka hawaman apay chaypika 15 segundokamami shuyanki.
• Kunkurita ushashkaman hawayachinki, chaypimi 15 segundokaman shuyanki. Washaka rectomi kana kan.
• Shayarishka kashpami makikunata ñawpaman apay, chay kipa tiyarikrik shina kunkurinki. Chaypimi 15 segundosta shuyanki.