Kiñe femün ayüwcülekan trür kiñewküleaiñ taiñ wimtun , femngechi epu trokiñche awkantukeyiñ kiñe mamüll retrü ca kiñe pali engu femngechi leftuaiñ ñi wewal puwai kañpüle feiti paliwe mew. Tüfachi awkantun Chile ngünenielu üytufi kiñe “re chile ñi awkantun
Kom pu che pepi chillkatuafi engün kom tüfachi dungu ka Pfizer tañi trokiñ pu tremoltuchefe ñi küme ngüneduamfiel ta tüfeychi dungu. Kom tüfachi wirin chillka kelluchekey tami doy kimal müten, welu chumkaw no rume feipilayay chem kütran nielmi rume.
Rangiñ feyti mawida ka lil mapu mew taiñ fütra Lof kuifi mu awkantuaiñ, feyti palin ca chueca pingekefui. Tüfachi awkantun nielu epu chemkun kiñe mamül retrü ka kiñe pali, fachantü pu che nütramkakeyngün trürkülekey “hockey”, fey palin kiñe laku reke llemay, chumgechingefel ñi awkantun kuifike che yem feypifui tati pu weche. Fewla kimaymi kiñeke dungu kellukeiñmew chum ñi awkantual.
Epu trokiñche amülcünuayngün epu rume pule, pepikawkülengün kiñe weño kam retrü tañi palintuafiel fey pali mu. Fey püle ñi dulliafiel epu trokiñche ñi wele püle tañi konal ti paliwe mu, epechi rumel wele pule. Dew wüla cacünuingün ca püle rangiñngey ti palitun ca epu wewün. Doy fali mülelu fey kon, fey awkantuafi kiñe palife tañi chaf palife mür engu weniyewaingu, kañ pule kütu müley tañi kompañyengeal, femngechi küme weniwen-ngeal, femgechi epu che rumel meu kiñewküleyngu tañi awkantual.
2004 tripantu mu, tüfachi awkantun chile ngünenielu üytufi “re chile ñi awkantual”, welu kiñentrülay ñi nütramkaken kañmapu ñi amuleal, fei tati palin kiñe kuifike awkantun re mapuche tuwün, kom tañi duam mew chum ñi awkantual müley famülke mew kay ka kiñewküley taiñ kuifike che yem ñi dewma-awkantual nielu fentren kimün dungu, femngechi taiñ awkantuafiel ta tüfa mongelekey taiñ wimtun.
Famülke mew, tati awtoridad ñi feypin mew, müley alün federación ca pu trokiñche dewma-awkantuafiel fei palin kelluchekey tati pu mapuche pichikeche ca wechekeche engün tañi inanieafiel tüfachi kuifi wimtun. Fei chi chillkatukelu Leotardo Matus pingey feipilefui wünen tripantu siglo XX mew, “feyentukelay fei “pu reche” müten kisu engün palintufuingün tati Chile mapu mu. Wünen tripantu siglo XVIII chueca awkantufuingün pu wingka chile tuwingün”.
Tati palin fey rüf laku hockey ngen küpay taiñ mapu ca taiñ wimtun mu kafey “chueca” pingekefuiñ, yenieayiñ kakewmechi laf mapu, lil mapu ka palintuwe ngerumele, femgechi dew afle palintun kom pu che ayüwküleayiñ ca kiñentrür ngeayiñ taiñ newentuleal.